قصة نجاح شركه ديل DELL

مايكل ديل لما كان عنده 13 سنة بدأ جمع الطوابع في شقة والده وبيعها للراغبين في جمعها وقدر إنه يحقق ألفين دولار مكسب ليه، ولما بلغ 15 سنة اشترى حاسب أبل 2 وفككه كله وتحدى نفسه إنه يجمعه تاني وبالفعل قدر يجمعه، بعدها بسنتين غاب عن المدرسة أسبوع كامل علشان يحضر مؤتمر عن الحواسيب.
دخل جامعة تكساس وفي سنة أولى صنع أول حاسوب بنفسه وهو في غرفة الطلبة سماه تيربوا بي سي بمعالج انتيل 8088 وبسرعة 8 ميجاهيرتز، بعدها قرر ترك الدراسة نهائيا وأسس شركته الخاصة لصنع الحواسيب برأس مال ألف دولار فقط. واعتمد في تسويق نفسه على التواصل مباشرة مع العملاء بدون أي وكلاء أو وسطاء بينهم واللي كانت فكرة مبتكرة ساعتها، وكان بيصنع لكل شخص جهاز الكومبيوتر الخاص بيه بالمواصفات اللي عايزها.
بعد تركه الجامعة ب10 سنين قدرت شركته اللي كانت بألف دولار في بيع 10 مليون حاسب آلي وبقت شركة ديل اللي احنا عارفينها، ويعتبر أصغر مدير تنفيذي في قائمة مديري أكبر 500 شركة في العالم إذ كان عمره حينها 27 عاما فقط.، وتبلغ ثروته حاليا 50 مليار دولار